Amel Carla

Saka Wikipédia Jawa, bauwarna mardika basa Jawa
Amel Carla
Amel Carla
LairAmalia Nuril Aqmaria
(2001-06-21) Juni 21, 2001 (umur 22)
Bontang, Kalimantan Timur, Indonesia
BangsaIndonesia
Jeneng liyaAmel
PakaryanArtis
Taun aktif2007 - saiki
Dhuwur157 cm (5 ft 2 in)

Amel Carla (lair ing Bontang, 21 Juni 2001; umur 22 taun) ya iku artis. Acara kang tau dimèluni Amel kaya ta Suami-suami takut istri ing Trans TV nalika taun 2007 lan Indonésia Kids Choice Awards nalika taun 2009 - 2011.[1] Ora mung asring mainaké paraga ing sitkom, Amel Carla uga kerep didhapuk dadi présènter karo gaya kenèsé.[1]

Dhèwèké kondhang ing masarakat dadi bocah cilik wadon kang seneng guyon.[1] Bocah cilik iki anak saka pasangan Oktarina lan Qomaruzzaman kang duwé kasenengan maca buku lan nembang.[1] Artis idholané iku Mulan Jameela.[1] Nalika main ing salah sawijining acara ing tivi, Amel Carla tau meragakaké gayané Mulan nalika nembangaké tembangan kang judhulé Makluk Tuhan Paling Seksi.[1]

Padha kaya-kaya bocah-bocah cilik liyané, Amel Carla uga seneng karo kéwan ingon.[1] Amel Carla ngingu kelinci loro lan kucing siji. Kéwan ingonané mau dijenengi Cipu, Citem, lan Blackcing.[1] Amel Carla uga seneng ngumpulaké bandho kanggo aksesoris mligi nalika tampil ing ngarep kodhak.[1]

Kasuksèsané ing donya intertain ora agawé dhèwèké lali marang pagawéyané dadi murid.[1][2] Saiki, bocah cilik kang duwé kepénginan dadi dhokter iki isih sinau ing bangku SD.[1] Prèstasiné kang bisa diomong akèh amarga ndelok kagiyatané kang akèh banget.[1] Nanging Amel Carla isih bisa olèh rangking ing kelasé.[1]

Sanajan dhèwèké wis suksès ing karir hiburan tivi, Amel Carla ora seneng boros.[1] Ibuné njatah dhèwèké olèh dhuwit jajan limang éwu saben dinané.[1]

Donya hiburan kang agawé jenengé kondhang ora agawé owah sikap supaya rikat diwasa.[1] Amel Carla ngakoni manawa dhèwèké ora mèlu-mèlu lan tetep duwé sikap kaya bocah cilik liyané.[1]

Karir[besut | besut sumber]

Artis cilik kang duwé pipi kang tembem iki miwiti kariré ing donya hiburan liwat sitkom kang olèh rating dhuwur, Suami-suami Takut Istri.[1][2] Panampilané kang nengsemaké, lucu ing tivi kang natural lan ora digawé-gawé agawé para panontoné seneng.[1][2] Jenengé wiwit kondhang bebarengan karo tawaran kang uga nambah akèh.[1]

Ora mung iku, kasenengané marang panganan agawé dhèwèké gendhut lan bisa dikontrak déning sawijining TV kanggo nggawakaké acara Amel Cemal Cemil.[1] Ing acara mau, Amel Carla mlalu-lumaku menyang tlatah-tlatah ing Indonésia sisan ngicipi manéka panganan khas tlatah.[1]

Cathetan sikil[besut | besut sumber]

  1. a b c d e f g h i j k l m n o p q r s t u v biografi Amel Carla diundhuh tanggal 5 September 2011
  2. a b c berita Amel Carla diundhuh tanggal 5 September 2011