Amalric II saking Narbonne

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
logo Amalric II saking Narbonne

Amalric II (séda 17 Juli 1134) minangka satunggaling Vicomte Narbonne saking sakitar taun 1106 dumugi piyambakipun séda.

Piyambakipun minangka putra mbarep Amalric I saking Narbonne lan Mahalt (ugi Mahault utawi Mafalda), putri Robert Guiscard lan Sichelgaita lan janda Ramon Berenguer II saking Barcelona.[1] Punika ndadosaken piyambakipun sadhèrèk tiri Ramon Berenguer III. Piyambakipun maréntah nalika taksih alit ing sangandhap perwalian ibunipun.[2] Sasampuning diwasa piyambakipun palakrama kaliyan Ermengarda.

Kemungkinan nalika taun 1112 utawi 1113, Amalric II pikantuk Fenouillèdes lan Peyrepertusèssaking sadhèrèk tirinipun minangka gantos saking sumpahipun nglawan Bernard Aton IV saking Béziers, ingkang kalih piyambakipun, Ramon Berenguer saweg perang.[3] Para pemimpin Fenouillèdes lan Peyrepertuseès tetep minangka pengikut Narbonne dumugi Perang Salib Albigensia lan Vicomte Narbonne mendhet kepemimpinan Rouffiac ing cakett Peyrepertuse wonten ing panguwaosing piyambak. Nalikaa Dolça I saking Provence tilar donya lan Ramon Berenguer nuntut wilayah Provence, Amalric II pikantuk feodal Beaucaire ldan terre d'Argence ing caket kali Rhône ing Provence.[4]

Wonten ing sawijining dinten nalika masa pamarèntahanipun, Amalric II maringi para pedagang saking Narbonne hak kanggé mbentuk konsulat minangka tiruan Genova. Mungkin piyambakipun pirsa organisasi piyambak saking pedagangipun lan formasinipun tumrap militèr wonten ing pertahananipun minangka pambiyantu tumrap pamarèntahanipun piyambak menawi konsulat tetep ing ngandhaping kontrol vicecomital, éwadéné boten mekaten wonten ing pungkasanipun. [5] Aimery ugi ndhèrèk nalika taun 1114–15 wonten ing ekspedisi Kepulauan Balears ingkang dipunpimpin déning Republik Pisa lan Ramon Berenguer.

Nalika taun 1114, Amalric mungkasi tuntutanipun saking konflik ing wilayah Le Lac, Via Domitia kanthi ngirimaken hak-ipun dhateng biara Lagrasse minangka gantos saking rugi sesilihan emas lan pérak ingkang jumlahipun sampung ageng.[3] Piyambakipun ugi gadhah perkawis kaliyan sadhèrèkipun Richard de Millau, Uskup Agung Narbonne ingkang dangu pikantuk fedovia (wilayah feodal) saking gereja minangka "sesembahan universal muktamar gereja propinsi Narbonne."[6] Uskup Agung nuduh Amalric sampun ngapusi kagayut wiyaring gerejalan nyobi nahan lemah warisan ingkang kagunganipun saking Gereja; piyambakipun ugi nuduh Amalric nahan penghasilan saking pajak ingkang kedahipun kapasrahaken dhateng gereja.[7] Aimery ugi kalaporaken sampun nyalahginakaken lemah gereja kadadosan sawijining konflik ngéngini sinten ingkang ngendhalikaken menara ing dinding kutha. Sedaya perkawis punika kadadosan dangu, ananging Amalric saged damai kaliyan dukungan kepausan saking Richard.[8] Pungkasanipun, piyambakipun kedah sumpah dhateng Uskup Agung, kanthi ngidinaken kabébasan Uskup Agung wonten ing kepemimpinan sawetawis, lan ngakoni bilih sapérangan hak ingkang kagunganipun wonten ing kutha Narbonne minangka perdikan saking keuskupan agung.[8]

Taun 1124, Bernard Aton saking Béziers mbiwarakaken perang dhateng Amalric, ingkang naggepi kanthi ngratataken kastil kaliyan lemah (pro justicia) ing Montséret, ingkang dipuncepeng déning andhahaning Amalric, Bernard Amati dumugi piyambakipun kanthi culika mbangsulaken dhateng Bernard Aton.[9] Boten dangu sasampuning Aimery balik arah dhateng Iberia lan gabung kaliyan Reconquista ingkang dipunbiayai déning Alifonso si Jawara ing lembah Ebro.

Wulan Juli 1131, Amalric II wonten ing sangajenging kematian kaliyan sadhèrèk tirinipun ingkag dados saksi saking testamen pungkasnipun, ing pundi piyambakipun minangka eksekutor.[4] Amalric II gugur wonten ing paprangan ngajeng Fraga, ingkang dipunjumenengi déning Alifonso.[10] Amalric kagungan putra lan satunggaling putri kaliyan Ermengard; Putranipun, Amalric sampun langkung rumiyin séda (1130), lan piyambakipun marisaken tahtanipun dhateng ingkang putri, Ermengarda, ingkang umuripun nembé 4 utawi 5 taun. Piyambakipun nikah ingkang angka 2 kaliyan satunggaling wanita ingkang nama Ermessende lan nilaraken satunggal putri ingkang namasami kaliyan piyambakipun.

Sumber[sunting | sunting sumber]

  • Cheyette, Fredric L. Ermengard of Narbonne and the World of the Troubadours. Ithaca: Cornell University Press, 2001.

Cathetan Suku[sunting | sunting sumber]

  1. ^ Cheyette, 15.
  2. ^ Cheyette, 211–212.
  3. ^ a b Cheyette, 77 and n31.
  4. ^ a b Cheyette, 86.
  5. ^ Cheyette, 100.
  6. ^ Cheyette, 207.
  7. ^ Cheyette, 209–210.
  8. ^ a b Cheyette, 108–109.
  9. ^ Cheyette, 205.
  10. ^ Cheyette, 21.