Ali bin Husain

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Ali bin Husain (658-713) (Basa Arab: علي بن حسين زين العابدين) yaiku imam kaping 4 sajroning tradisi Syi'ah. Dhéwéké anaké Husain bin Ali lan buyut saka Muhammad. Dhéwéké dikenal déning Syi'ah kanthi jejuluk Zainal Abidin amarga kamulyan pribadiné lan takwané lan as-Sajjad minangka tandha "wong kang kerep nindakaké sujud sajroning ngibadahé".[1] Panjenengané uga diundhang kanthi jeneng Abu Muhammad, malah kadhang ditambahi Abu al-Hasan. [2]

Kalairan lan Panguripan kulawarga[sunting | sunting sumber]

Kalairan[sunting | sunting sumber]

Ali bin Husain dilairaké ing Madinah taun 38 H/658-659 M miturut mayoritas riwayat kang ana, riwayat liyané nyatakaké dhéwéké dilairaké tanggal 15 Jumadil Ula 36 H. Rong taun meu simbah kakungé, Ali bin Abi Thalib, 12 taun lemu pamané, al-Hasan, 23 taun melu bapaké, al-Husain. Dhéwéké wafat ing Madinah taun 95 H/713 M nalika umur 57 taun, ana uga kang nyatakaké yen wafaté tanggal25 Muharram 95 H. 34 taun sawisé bapaké wafat. 34 taun dhéwéké dadi Imam lan dimakamaké ing Pakuburan al-Baqi, Madinah sisihé pamané, al-Hasan.[2]

Ibu[sunting | sunting sumber]

Ana saperangan riwayat kang nyatakaké ngenani sapa ibuné Ali Zainal Abidin, ing antara yaiku:

  • Riwayat pisanan nyatakaké yen jenengé ibuné yaiku Syahzanan putri saka Yazdigard bin Syahriyar bin Choesroe. Saliyané kuwi uga sinebut Syahrbanawaih. Khalifah Ali bin Abi Thalib ngangkat Huraits bin Jabir al-Hanafi kanggo nangani urusan bageyan provinsi-provinsi wetan, Huraits menehaké marang Ali 2 putri Yazdigard bin Syahriyar bin Choesroe. Salah siji putri Yazdigard iki jenengé Syahzanan diwenehake Ali marang putrané kang jenengé al-Husain. Syahzanan menehake anak lanang marang al-Husain. Anak lanang iki jenengé Zainal Abidin. Ali menehaké putri Yazdigard sijiné maneh marang Muhammad bin Abu Bakar, kang nglairaké sawijining anak lanang kang jenengé al-Qasim.[2]
  • Riwayat liyané nyebutaké yen jenengé ibuné yaiku Syahrbanu, putri Yazdigird, kaisar pungkasan Sasaniyah, Persia. Mula saka kuwi Ali Zainal Abidin uga dijuluki Ibn al-Khiyaratyn, yaiku anak saka loro kang paling apik, yaiku Quraisy ing antarané wong Arab lan Persia ing antarané wong non-Arab. Miturut riwayat kuwi ibuné digawa ana Madinah minangka tahanan ing mangsa kakhalifahan Umar bin Khattab kang arep ngedolaké. Ananging Ali bin Abi Thalib mènèhi saran supaya Syahrbanu luwih disik diwènèhi pilihan supaya dadi bojoné salah sawijining Muslim, lan mas kawiné kajupuk saka Baitul Mal. Khalifah Umar sarujuk, lan pungkasané Syahrbanu milih putra Ali bin Abi Thalib yaiku Husain. Jaréné Syahrbanu wafat ora suwé wafat sawisé nglairaké anak tunggal iki.[1]

Keturunan[sunting | sunting sumber]

Panjenengané nduwèni 15 keturunan,

11 anak lanang[sunting | sunting sumber]

  1. Muhammad al-Baqir, ibuné yaiku Ummu Abdullah binti al-Hasan bin Ali bin Abi Thalib. Minangka Imam candhaké miturut Imamiyah.
  2. Abdullah al-Bahir[3]
  3. al-Hasan
  4. al-Husain al-Akbar[3]
  5. Zaid, imam pangganti minurut Zaidiyah.
  6. al-Husain al-Asghar[3]
  7. Abdurrahman
  8. Sulaiman
  9. Muhammad al-Asghar utawa Qaim[3]
  10. Umar al-Asyraf[3]
  11. Ali, minangka anak ruju

4 anak wadon[sunting | sunting sumber]

  1. Khadijah, sedulur tunggal ibu karo Ali
  2. Fatimah
  3. Aliyah
  4. Ummu Kultsum

Mangsa kaimaman[sunting | sunting sumber]



Delengen uga[sunting | sunting sumber]

Pranala Jaba[sunting | sunting sumber]

Cathetan Suku[sunting | sunting sumber]

  1. ^ a b ABIDIN, Imam Ali ibn al-Husain Zainal; ASH-SHAHIFAH AS-SAJJADIYYAH: kumpulan doa-doa mustajab Imam Ali Zainal Abidin AS cucu Baginda Nabi SAW. Jakarta: Lentera, 2005. ISBN 979-3018-95-X
  2. ^ a b c al-MUFID, Syaikh; Sejarah para imam ahlulbait Nabi SAW. Jakarta: Lentera, 2005. ISBN 979-24-3304-X
  3. ^ a b c d e Keturunan Ali Zainal Abidin. Naqobatul Asyraf
Sumber artikel punika saking kaca situs web: "http://jv.wikipedia.org/w/index.php?title=Ali_bin_Husain&oldid=834213"