Algoritma panggolèkan string

Algoritma panggolèkan string utawa asring disebut uga panyocokan string yaiku algoritma kanggo nggolèki kabèh kamunculan string cendhak $pattern[0..n-1]$ sing disebut pattern ing string sing luwih dawa $teks[0..m-1]$ sing disebut tèks.

Panyocokkan string arupa pamasalahan paling prasaja saka kabèh pamasalahan string liyané, lan dianggep minangka bagéyan saka pamrosèsan data, pangomprèsian data, analisis leksikal, lan temu walik informasi. Tèknik kanggo ngrampungaké pamasalahan panyocokkan string biasané bakal ngasilaké implikasi langsung marang aplikasi string liyané.

Conto algoritma panyocokkan string

Algoritma-algoritma panyocokkan string bisa diklasifikasikaké dadi telung bagéyan miturut arah panggolèkané.

Telung kategori iku yaiku :

• Saka arah sing paling alami, saka kiwa nengan, sing arupa arah kanggo maca, algoritma sing klebu kategori iki yaiku:
  1. Algoritma Brute Force
  2. Algoritma saka Morris lan Pratt, sing banjur dikembangaké déning Knuth, Morris, lan Pratt
• Saka tengen ngiwa, arah sing biasané ngasilaké asil paling apik sacara praktikal, contoné yaiku:
  1. Algoritma saka Boyer lan Moore, sing banjur akèh dikembangaké, dadi Algoritma turbo Boyer-Moore, Algoritma tuned Boyer-Moore, lan Algoritma Zhu-Takaoka;
• Lan kategori pungkasan, saka arah sing ditemtokaké sacara spesifik déning algoritma kasebut, arah iki ngasilaké asil paling apik sacara téoritis, algoritma sing klebu kategori iki yaiku:
  1. Algoritma Colussi
  2. Algoritma Crochemore-Perrin

Algoritma brute force jroing panggolèkan string

Algoritma brute force arupa algoritma panyocokan string sing ditulis tanpa mikiraké paningkatan performa. Algoritma iki arang banget dienggo jroning praktèk, nanging migunani jroning studi pambandhing lan studi-studi liyané.

Carané kerja

Sacara sistematis, langkah-langkah sing dilakoni algoritma brute force nalika nyocokaké string yaiku:

1. Algoritma brute force wiwit nyocokaké pattern ing awal tèks.
2. Saka kiwa nengen, algoritma iki bakal nyocokaké karakter per karakter pattern karo karakter ing tèks sing padha selaras, nganti salah siji kondhisi iki kapenuhi:
   1. Karakter ing pattern lan ing tèks sing dibandhingaké ora cocok (mismatch).
   2. Kabèh karakter ing pattern cocok. Sawisé iku algoritma bakal nggenahi panemon ing posisi iki.
3. Algoritma banjur terus nggèsèr pattern siji nengen, lan mbalèni langkah angka 2 nganti pattern ada ing ujung tèks.

Ing ngisor iki Algoritma brute force sing lagi temandang nggolèki string:

Algoritma brute force sing lagi temandang nggolèki string.

Pseudocode

Pseudocode algoritma brute force iki:

procedure BruteForceSearch(
        input m, n : integer,
        input P : array[0..n-1] of char,
        input T : array[0..m-1] of char,
        output ketemu : array[0..m-1] of boolean
       )

Deklarasi:
       i, j: integer 

Algoritma:
        for (i:=0 to  m-n) do
               j:=0
               while (j < n and T[i+j] = P[j]) do    
                        j:=j+1
               endwhile
               if(j >= n) then
                         ketemu[i]:=true;
               endif 
        endfor

Pirsanana uga

• Daftar algoritma
• Algoritma Knuth-Morris-Pratt
• Algoritma Boyer-Moore

Pranala njaba

• (en)EXACT STRING MATCHING ALGORITHMS - Animation in Java