Al-Andalus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Interior Masjid Kordoba utawi mezquita, panilaran saking Al-Andalus ingkang samenika dados katedral Katulik Roma.

Al-Andalus (Arab: الأندلس al-andalus) inggih menika nami dhaérah ing Semenanjung Iberia (Spanyol kaliyan Portugal) ingkang dipunpandhégani tiyang Islam, utawi tiyang Moor, antawis taun 711 lan 1492.[1] Al-Andalus ugi asring sinebat Andalusia, ananging sesebatan menika nggadhahi kaambiguan kaliyan wilayah administratif ing Spanyol modhèrn Andalusia.

Iberia dipunkuwaosi déning Islam wiwit Peperangan Guadalete, nalikanipun wadyabala Umayyah ingkang dipunpandhégani Tariq bin Ziyad saged nelukaken tiyang-tiyang Visigoth ingkang nguwaosi dhaérah Iberia. Wiwitanipun Al-Andalus menika mlebet provinsi saking Kakhalifahan Umayyah (711-750), lajeng gantos dados Keamiran Kordoba (c. 750-929), Kekhalifahan Kordoba, (929-1031), lan pungkasanipun "taifa" ingkang tegesipun karajan-karajan alit pecahan kakhalifahan kasebat (1031-1492). Pungkasanipun tiyang-tiyang Kristen saged nguwaosi malih dhaérah Iberia saking umat Islam.

Nami Al-Andalus umumipun boten ngrujuk dhumateng Iberia miturut umumipun, ananging dhumateng dhaérah-dhaérah ingkang dipunkuwaosi kaliyan tiyang Islam ing jaman kapengker. Ing taun 1236, bèntèng kagungan tiyang Islam ingkang pungkasan ing Spanyol, Granada nyatakaken kalah dhumateng Ferdinand III saking Kastilia, lan dados dhaérah jajahanipun Kastilia, ngantos taun 1492 Muhammad XII nyerah penuh dhumateng Los Reyes Católicos (Karajan Katulik Spanyol) ingkang dipunpandhégani Raja Ferdinand lan Ratu Isabella.[2]

Cathetan suku[sunting | sunting sumber]

  1. ^ (en)[ John L. Esposito, Ed. 2003. "Andalus, al-" Oxford Dictionary of Islam. Oxford Reference Online. Oxford University Press.] (dipunundhuh 14 Juni 2011)
  2. ^ (en)[ http://press.princeton.edu/chapters/s7638.html |publisher=Princeton University Press |isbn=0691092702 How the Idea of Religious Toleration Came to the West](dipunundhuh tanggal 14 Juni 2011)

Pranala njawi[sunting | sunting sumber]

Logo Wikimedia Commons
Pirsani galeri bab Al-Andalus ing Wikimedia Commons.

Sumber artikel punika saking kaca situs web: "http://jv.wikipedia.org/w/index.php?title=Al-Andalus&oldid=830636"