Akson
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 67 dinten 413 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Akson utawa neurit yaiku serat utawa serabut serat kang ngolah kasil prosès (output) saka sel saraf (neuron).[1] Dawané akson manéka werna, saka sawatara milimèter nganti sawatara sèntimèter lan uga ana sing nyabang kanthi amba.[1] Nalika muatan listrik nganti tekan pucuking akson, neurotransmiter wiwit digawé. Neurotransmiter iki ing wayah gilirané bisa ngaktifaké reseptor ing dendrit neuron ing sisihé, banjur nerusaké pesen.[1] Pesen-pesen dhasar kang ditransmisikaké liwat akson yaiku prastawa listrik utawa kimia kang diarani potensial aksi.[1] Sanadyan padatan akson kahubung karo dendrit, akson bisa uga kahubung karo badan sel (soma) utawa karo akson liyané.[1]
Bab lan Paragraf |
Ciri-Ciri [sunting]
- Nduwèni bongkot akson ing perikarion kang diarani akson Hillock.[2]
- Padatan luwih tipis utawa alus lan luwih dawa tinimbang dendrit ing neuron sing padha.[2]
- Aksoplasmané ora ngandhut struktur apa-apa kang bisa migunani ing prosès sintesa protein, kayata badan Nissl (rough endoplasmic reticulum), ribosom lan kompleks Golgi.[2]
- Aksoplasma ngandhut neurofilament, mikrotubulus, lan mitokondria.[2]
- Akson nduwèni mielin, saéngga katon putih ing kahanan kang seger.[2] Selubung mielin dudu bagéyan saka neuron, nanging bagéyan saka selubung neuron.[2] Yèn nganggo mikroskop sinar bisa katon serat saraf ana mieliné, mesthi ana akson.[2] Yèn serat sarafé ora ana mieliné, serat kasebut bisa akson bisa uga dendrit.[2]
- Bongkot akson nyabang kaya pang kang diarani telodendria lan ana hubungané karo perikarion, dendrit, utawa akson saka neuron liyané.[2]
- Ing bongkot pang aksonal ngatonaké bentuk kang aboh diarani boutons terminaux.[2]
Kagunan [sunting]
Akson yaiku serabut saraf kang dawa, nanging ora nyabang.[3] Kagunan saka akson yaiku ngeteraké utawa nerusaké impuls utawa rangsang saka badan sèl tumuju neuron sing liyané.[3] Akson uga nerusaké rangsang saraf tumuju serat otot utawa sèl kelenjar.[2]
Struktur [sunting]
Dawa akson manéka werna miturut ancas utawa kagunané.[4] Saben akson ngandhut aksoplasma kang dilapisi dèning mèmbran sèl (selaput tipis).[4] Akson diglubeti dèning neurilema (selubung Schwann).[4] Padatan akson nduwèni dharah kang ora ana mieliné kang diarani nodus Ranvier.[4] Selubung mielin iki nduwé kagunan kanggo ngayomi utawa dadi isolator sarta nyepetaké mlakuné rangsang (impuls).[4] Bongkot saka akson kang diarani terminal percabangan bakal ketemu karo bongkoté dendrit sel neuron sing liyané.[5] Ketemuné bongkot sel neuron loro sing béda iki diarani sinapsis.[5]
Deleng uga [sunting]
Cathetan Suku [sunting]
- ^ a b c d e (id)Kamus Kesehatan-arti Akson(diundhuh 11 Desember 2012)
- ^ a b c d e f g h i j k (id)Struktur Sel Saraf(diundhuh 11 Desember 2012)
- ^ a b (id)Fungsi Jaringan saraf(diundhuh 11 Desember 2012)
- ^ a b c d e (id)Sistem saraf(diundhuh 11 Desember 2012)
- ^ a b (id)Struktur sel neuron(diundhuh 11 Desember 2012)
