Akashiyaki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Akashiyaki

Akashiyaki (明石焼き?) yaiku jeneng panganan saka kutha Akashi ing Prefektur Hyogo, Jepang kang digawe saka adonan endhog, gandum, dashi, lan isine rajangan gurita kang diclupake ing duduh dashi sadurunge dipangan.

Yen disawang sakeplasan, akashiyaki mirip karo takoyaki, wujude bunder-bunder empuk kang garis tengahe kurang luwih 3-5 cm kang kerep ora bener-bener bunder jalaran bageyan ngisore keplenet abote. Ing kutha Akayashi, warga kang wis kenal panganan iki wiwit zaman Edo ngarani panganan iki minangka tamagoyaki kang mujudake mula bukane takoyaki.

Akashiyaki dianggep minangka panganan unik khas kutha Akashi. Mangan akashiyaki (kang diadol kanthi jeneng tamagoyaki) mujudake sawijining ancas utama wisatawan kang teka ing kutha Akashi.

Ciri khas[sunting | sunting sumber]

Bedhane karo takoyaki[sunting | sunting sumber]

Akashiyaki luwih empuk tinimbang takoyaki amarga nggawene nganggo endhog akeh lan digoreng nganggo loyang kang wujude bunder-bunder cekung. Adonane uga ngandhut bahan khusus arupa glepung tanpa gluten kang diarani jinko (沈粉?). Nalika digoreng, akashiyaki diwolak-walik supaya dadi bunder nganggo sumpit pawon (saibashi) lan ora mbutuhake piranti khusus kaya takotaki. Akashiyaki isine mung gurita, ora kaya takoyaki ing Osaka kang isine gurita lan ditambahi isi liyane. Akashiyake disuguhake ing kayu lan samangkok cilik dashi. Beda saka takoyaki, akashiyaki ora diwenehi saos, nanging dipangan sawise diclupake ing duduh.

Pranala njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Akashiyaki&oldid=832476"