Ahmed Yassin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Sheikh Ahmed Yassin (Basa Arab: الشيخ أحمد ياسين) iku pangadeg Gerakan Panglawan Islami Hamas sarta sayap militer lan dinas keamanane. Dheweke sawijining simbul perlawanan uga guru para mujahid Palestina. Sanajan lumpuh lan kabeh uripe diblenggu dening terali wesi, tapi dheweke wong kang kalebu penggerak mbangun donya lan mukmin kang merdheka.

Sawijining kolomnis saka Mesir Dr. Kamal al Mishri nyebutake Syaikh Yasin dadi Al ‘Aqid Alladzi Aqama al ‘Alam (artine "wong lumpuh kang mbangun donya").[1] Dheweke mung wong lanang lumpuh kang mbangun ide perlawanan lan dadi Amir (pamimpin) para mujahidin Palestina.

Lair[sunting | sunting sumber]

Sheikh Ahmed Yassin lair taun 1938 ing desa Al-Jora, daerah Majdal ing wilayah Asqalan (Ashkelon). Dheweke gedhe ing kana nganti taun 1948 nalika pendudukan Yahudi tumuju bumi Palestina, dheweke lan kulawargane dipeksa pindhah ing Lurung Gaza.[2]

Kulawarga[sunting | sunting sumber]

Ahmad Yasin cilik biasa diundang (kuniyah) Abu Sa’dah, dinisbatke saka ibuke Sa’dah Abdullah al Hubail, kanggo mbedakake jeneng amarga saking akehe jeneng Ahmad ing kulawarga Yasin. Sa’dah yaiku wong kang mulya, sabar, lan penuh keyakinan, kalebu wong wadon terhormat ing dhesa kasebut. Bapake Ahmad Yasin jenenge Ismail Yasin, wong terhormat ing dhesane. Kulawargane kalebu kulawarga kang sarwa cukupan. Ismail sedo nalika Ahmad isih cilik banget durung genep 3 tahun, ninggalake kulawarga kang akehe 11 wong. Ahmad Yasin iku anak ketelu ing antara 4 bocah lanang ing kulawarga Ismail.[3]

Pendhidhikan[sunting | sunting sumber]

Nalika sekolah, dheweke kalebu murid kang paling ditresnani gurune amarga kapinterane ing pelajaran. Dheweke uga ahli sukan kang aktif nalika jaman sekolahe. Syeikh ngalnjutaken sinaune ing sekolah kamp pengungsi lan ngrampungake ing studine ing tingkat dasar lan persiapan taun 1955, banjur ngrampungake Sekolah Menengah Palestina kang dadi sekolah paling apik ing Lurung Gaza. Suasana politik ing Lurung Gaza kang lagi rame, utamane ing panggonane sekolah kang dikenal Sekolah Menengah Umum – kasebut taujihy.[4]

Karier[sunting | sunting sumber]

  1. Sheikh Ahmed Yassin dadi guru Basa Arab lan Tarbiyah Islamiyah, banjur dadi khatib lan guru ing mesjid-mesjid Gaza.
  2. Ing jaman penjajahan, dheweke dadi khatib paling populer ing kalangan masyarakat Lurung Gaza amarga kuwate argumen lan kewanenane njunjung al haq (kabeneran).
  3. Dadi ketua perhimpunan Islam ing Lurung Gaza
  4. Taun 1983, Syaikh Ahmad Yasin ditangkep rezim Imperialis Israel saka tuduhan nduweni senjata, nggawe pasukan militer lan ngongkon ngilangake eksistensi negara Yahudi, dheweke diadhepake ing mahkamah militer Israel uga divonis 13 taun penjara.
  5. Taun 1985, dheweke dibebasake amarga ana pertukaran tahanan saka pihak rezim Imperialis Israel karo PFLL (Front Rakyat kanggo Pembebasan Palestina) – Pimpinan Umum, sakbubare 11 wulan dipenjara.
  6. Taun 1987 dheweke karo aktivis perlawanan islam (islamiyun) Palestina, ngedhegake organisasi perlawanan, Gerakan Perlawanan Islam “Hamas” – Palestina, ing Jalur Gaza.
  7. Akhir wulan Agustus 1988, militer Imperialis Israel nyerang umahe dheweke ing Gaza, nggledhah, lan ngancem bakal mbuwang dheweke saka kursi rodha kang saben dina dilungguhi ing Libanon.
  8. Ing wayah wengi tanggal 17 Mei 1989, rezim Imperialis Israel nangkep Syaikh Ahmad Yasin karo atusan aktivis Gerakan Hamas, kanggo ngendhegi perlawanan bersenjata kang ana wektu iku nalika njupuk serangan kanthi nggunakake as silah al abyadh (senjata putih), yaiku sakliyane senjata geni tumrap serdadu-serdadu Israel, warga Yahudi sarta penculikan tumrap agen-agen Israel.
  9. Tanggal 16 Oktober 1991, mahkamah militer Imperialis Israel ngetokake keputusan kanthi menehi vonis Syaikh Ahmad Yasin rupa penjara saumur urip ditambah 15 taun, sakbubare diwenehi 9 daftar tuduhan. Ing antarane yaiku seruan (provokasi) penculikan lan patenan tumrap serdadu-serdadu Imperialis Israel, ngadhegake Gerakan Hamas sarta sayap militer lan dinas keamanane.


Nalika taksih enom, dheweke nate kacilakan nalika lagi aktivitas kang nyebabke dheweke lumpuh ing sikile. Sakliyane kuwi Syaikh Ahmad Yasin uga nduweni penyakit liya, kayata wuta ing mripat kiwa, lan lemah pandelengan ing mripat tengen amarga disiksa wektu penyidikan, radang kuping cukup kronis, alergi paru-paru, lan penyakit uga radang jero lan usus. Kondisi kang ala mau dialami Syaikh Ahmad Yasin nyebabke mudhun kondisi kesehatane, sahinggga kudu dipindahke ing rumah sakit.

Ukara bersejarah[sunting | sunting sumber]

Syeikh Ahmad Yasin ninggalake ukara bersejarah kanggo rakyat Palestina kang ora bakal dilalekake, “Kowe aja padha ngutuk peteng ping sewu, saben kita nguripake lilin kanggo madhangi dalan wong liya." Dheweke nemoni kesyahidan sambi ngomong, “Kekarepanku yaiku Allah ngridhai aku.” [5]

Cathetan sikil[sunting | sunting sumber]

  1. ^ (id)[1], diaksés tanggal 12 Juli 2011.
  2. ^ (id)[2], diaksés tanggal 12 Juli 2011.
  3. ^ (id)[3], diaksés tanggal 12 Juli 2011.
  4. ^ (id)[4], diaksés tanggal 11 Juli 2011.
  5. ^ (id)[5], diaksés tanggal 12 Juli 2011.
Sumber artikel punika saking kaca situs web: "http://jv.wikipedia.org/w/index.php?title=Ahmed_Yassin&oldid=831133"