Ahmadun Yosi Herfanda
| Ahmadun Yosi Herfanda | |
|---|---|
 | |
| Lair | Januari 17, 1958 Kendhal |
| Basa | Basa Indonésia |
| Bangsa |  Indonésia |
| Suku | Jawa |
| Warga nagara | Indonésia |
Ahmadun Yosi Herfanda utawa uga ditulis Ahmadun Y. Herfanda utawa Ahmadun YH (lair ing Kaliwungu, Kabupatèn Kendhal, Jawa Tengah, 17 Januari 1958; umur 66 taun), ya iku penulis puisi, carkak, lan esei saka Indonésia.[1] Ahmadun dikenal dadi sastrawan Indonésia kang akèh nulis esei sastra lan sajak sufistik.[2] Nanging, penyair Indonésia saka génerasi 1980-an iki uga akèh nulis sajak-sajak sosial-religius.[2] Saliyané iku carkak-carkak gaweane kang duwé gaya karikatural kanthi téma-téma kritik sosial.[2] Yosi uga akèh nulis esei sastra.[2] Wiwit dadi mahasiswa, Ahmadun wis aktif dadi éditor lan jurnalis.[1] Diwiwiti saka padinan Kedaulatan Rakyat Yogyakarta (1983-1999), banjur ana ing padinan Yogya Post (1999-1992), Majalah Sarinah (bareng karo Korrie Layun Rampan, 1992-1993), lan pungkasan ana ing padinan Republika Jakarta (1993-2010).[1] Ing Republika dhèwèké akèh dipercaya dadi Redaktur Sastra, nanging uga tau dadi Koordinator Desk Opini lan Budaya, lan Asisten Redaktur Pelaksana.[1] Karier strukturale ora patek diperharikake , amarga kesibukane nulis karya kreatif, ngemunah acara-acara sastra, lan ngisi workshop, diskusi, pentas baca puisi, lan uga seminar sastra ing kutha-kutha ing Indonésia lan mancanagara.[1] Ana ing perjalanan karier pungkasané ing Republika, aktivitas sastra luwih dadi kesenengane tinimbang ana ing babagan kerja jurnalistik.[2] Sawisé sakiwa-tengené 17 taun dadi wartawan (kanthi inisial ayh) lan redaktur sastra Padinan Republika, wiwit Maret 2010 Ahmadun luwih aktif dadi ketua Komite Sastra Dewan Kesenian Jakarta (DKJ) kanggo periode 2010-2013.[2] Iki kang kaping lorone dhèwèké dadi anggota DKJ.[2] Taun 2006 Yosi uga dadi anggota DKJ (kanggo periode 2006-2010) nanging dilakoni pirang sasi lan banjur mundur.[2] Dadi sastrawan (penyair), dhèwèké sok diundang kanggo macakake sajak-sajake utawa dadi pambicara ana ing pertemuan sastrawan lan diskusi lan seminar sastra nasional utawa internasional.[2]
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |