Ahmad Fuadi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ahmad Fuadi
Ahmad Fuadi.jpg
Lair 30 Desember 1972 (umur 41)
Flag of Indonesia.svg Maninjau, Sumatra Kulon, Indonésia
Asma pena/samaran A. Fuadi
Pegawéyan Pekerja Sosial, Novelis, Wartawan
Kabangsan Indonésia
Aliran Sastra Islami, Roman, Edukasi
Garwa Danya Dewanti
Situs resmi

Ahmad Fuadi (lair ing Maninjau, Sumatra Kulon, 30 Desember 1972; umur 41 taun) yaiku novelis, pekerja sosial lan mantan wartawan saka Indonésia. Novel pisanané yaiku novel Negeri 5 Menara kang minangka buku pisanan saka trilogi novelé. Karya fiksiné bisa nuwuhaké semangat kanggo nggayuh prèstasi. Senajan kagolong isih anyar terbit, novelé wis mlebu ing jajaran best seller taun 2009. [1] Banjur ngrengkuh Anugerah Pembaca Indonesia 2010 lan ing taun kang padha uga kalebu nominasi Khatulistiwa Literary Award, saengga PTS Litera, salah siji penerbit ing negri jiran Malaysia kapincut nerbitake ing negarane kanthi versi Basa Melayu. Novel kalorone kang minangka trilogi saka Negeri 5 Menara, Ranah 3 Warna wis diterbitake kawit 23 Januari 2011. Fuadi ngedegake Komunitas Menara, sawijining yayasan sosial kanggo nulungi ing bidhang pendhidhikan masarakat kang kurang mampu, mliginé ing umur pra sekolah. Saiki Komunitas Menara nduwèni sawijining sekolah anak usia dini kanthi gratis ing kawasan Bintaro, Tangerang Kidul.

Miwiti pendhidhikan menengahe ing KMI Pondok Modern Darussalam Gontor Ponorogo lan lulus taun 1992, banjur dheweke nerusake kuliah Hubungan Internasional ing Universitas Padjadjaran. Sewise lulus, dheweke dadi wartawan Tempo. Kelas jurnalistik pisanane dilakoni ing tugas-tugas reportasene kang dibimbing dening para wartawan senior Tempo. Taun 1998, dheweke beas entuk beasiswa Fulbright kanggo kuliah S2 ing School of Media and Public Affairs, George Washington University. Merantau ing Washington DC bebarengan karo Yayi, bojone kang uga wartawan Tempo- yaiku sawijining impèn samangsa cilike kang dadi kasunyatan. Sinambi kuliah, kekarone dadi koresponden Tempo lan wartawan VOA. [2] Pawarta sajarah kayata prastawa 11 September 2001 dilaporake kekarone langsung saka Pentagon, White House, lan Capitol Hill.

Taun 2004, cendela dunya liyane kabukak maneh nalika dheweke mentuk beasiswa Chevening kanggo ngudi kawruh ing Royal Holloway, University London ing bidhang film dokumenter. Wong kang demen fotografi [3] iki tau dadi Direktur Komunikasi ing sawijining NGO konservasi: The Nature Conservancy.[4]

Dheweke yaiku putune Buya Sutan Mansur.

Pendhidhikan[sunting | sunting sumber]

Bebungah lan Beasiswa[sunting | sunting sumber]

  • SIF-ASEAN Visiting Student Fellowship, National University of Singapore, 1997
  • Indonesian Cultural Foundation Inc Award, 2000-2001
  • Columbian College of Arts and Sciences Award, The George Washington University, 2000-2001
  • The Ford Foundation Award 1999-2000
  • CASE Media Fellowship, University of Maryland, College Park, 2002
  • Beasiswa Fulbright, Program Pascasarjana, The George Washington University, 1999-2001
  • Beasiswa British Chevening, Program Pascasarjana, University of London, London 2004-2005
  • Longlist Khatulistiwa Literary Award 2010
  • Panulis dan Fiksi Terfavorit, Anugerah Pembaca Indonesia 2010
  • Penulis/Buku Fiksi Terbaik, Perpustakaan Nasional Indonesia 2011
  • Liputan6 Award, SCTV ing Kategori Pendidikan dan Motivasi 2011

Novel lan Bebungah[sunting | sunting sumber]

Samak Novel Taun Irah-irahan Novel Bebungah
Menara 5 Negara.jpg 2009 Negeri 5 Menara
  • Longlist Khatulistiwa Literary Award 2010
  • Penulis dan Fiksi Terfavorit, Anugerah Pembaca Indonesia 2010
  • Buku Fiksi Terbaik, Perpustakaan Nasional Indonesia 2011
Ranah 3 Warna.jpg 2011 Ranah 3 Warna

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ahmad_Fuadi&oldid=865880"