Agama Katulik ing Polandia

Saka Wikipédia Jawa, bauwarna mardika basa Jawa
"Kristenisasi Polen ing taun 966" déning Jan Matejko.

Agama Katulik Roma iku wiwit dianut mayoritas bangsa Polen ing taun 966, nduwé peranan wigati ing babagan agama, budaya, lan pulitik.

Pirang-pirang abad, Polen iku nagara kang kang ndunungi akèhé nganur agama Katulik Roma lan kanggo akèh wong Polen, agama iki dadi piranti kanggo nuduhaké jatidhiri bangsa iki nalika Polen dijajah bangsa-bangsa liya.

Rejim Kuminis ing Polen kang wiwit taun 1945 kuwasa ing nagara iki, ora bisa mbungkem Gréja Katulik Roma kang tetep swatantra. Gréja iki kanggo wong-wong Polen dadi lambang kamardikan lan simbul panglawanan paham kuminisme. Gréja Katulik dadi organisasi mardika kang paling kuwasa lan dadi médhiator antara nagara lan kaum pambrontak. Pamilihané Kardinal Karol Wojtyla dadi Paus Yohanes Paulus II bisa mèlu nyumbangaké kontribusi gedhé ing sirnané kuminisme ing Polen lan ing donya[1].

Miturut Biro Statisik Polen, 34.609.000 kang ndunungi Polen utawa 91 persèn kang ndunungi total, anggota Gréja Katulik ing taun 2000. Kurang luwih 80% saka iki bisa diarani tangat. Sisané patang yuta kang ndunungi non-Katulik ora nduwé agama utawa nganut agama liya.

Hierarki[besut | besut sumber]

  • Kabiskopan Agung
    • Kabiskopan        

Jeneng Latin kabiskopan-kabiskopan ditulis miring.

Péta Polen karo Kabiskopan

Cathetan sikil[besut | besut sumber]

  1. Sanadyan mangkono, nalika jaman kuminis uga ana anggota Gréja Katulik, kaya ta Stanisław Wojciech Wielgus kang kepeksa utawa ora, dadi mèlu kongkalikong karo pamaréntah kuminis. Prakara iki saya akèh kawedhar

Sumber[besut | besut sumber]

  • Frucht, Richard. Eastern Europe: An Introduction to the People, Lands, and Culture. Volume 1. ABD-CLIO inc. Santa Barbara, Ca.