Adam Osborne

Saka Wikipédia Jawa, bauwarna mardika basa Jawa
Foto Adam Osborne

Adam Osborne (6 Maret 193918 Maret 2003) ya iku wong kang wiwitan nemu laptop.[1] Pancen sadurungé Osborne nemu laptop, nanging gagasan ngenani laptop wis digagas déning Alan kay saka Xerox palo Alto Researc Center.[1] Adam ngimpiake sawijining komputer kang duwé ukuran kang pada karo buku catatan, mula bisa digawa tekan ngendi-endi.[1] Wektu iku durung ana istilah laptop utawa notebook.[1] Alan Kay mènèhi jeneng piranti mau kanthi aran Dynabook.[1] Nanging, impen mau mung winates impen.[1] Banjur mung Adam Osborne kang dicathet minangka wong kang kawiwitan nyipta komputer kang bener-bener utama, banjur dikenal kanthi aran laptop.[1] Adam Osborne ya iku warga keturuna Inggris kang lair ing Thailand taun 1939.[1] Nalika umur 11 taun, Osborne digawa menyang Inggris déning wong tuwané.[1] Taun 1961, Osborne lulus saka Universitas Birmingham minangka sarjana mudha ing babagan teknik Kimia.[2] Banjur dhèwèké lunga menyang Amérika saperlu nerusaké sinaune ing Universitas Delaware, lan bisa éntuk gelar Ph.D ing babagan teknik Kimia.[2] Sawisé kuliyah, dhèwèké duwé kalodhangan nyambut gawé ing perusahaan gedhé ya iku Shell Oil.[2] Nanging, dhèwèké metu lan luwih milih nyambut gawé minagka panulis praktis, kususe ngenani perkembangan komputer.[2]

Cathetan suku[besut | besut sumber]

  1. a b c d e f g h i [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 10]
  2. a b c d [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 11]