Acil Bimbo
Acil Darmawan Hardjakusumah, SH. utawa luwih kondhang karo jeneng Acil Bimbo, anggota utawa personil saka grup band bersaudara ning Indonésia, ya iku Bimbo Dhèwèké lair ning kutha Bandung, Jawa Barat, ning tanggal 20 Agustus 1943.Lulusan saka Fakultas Hukum Universitas Padjajaran Bandung, wisuda ning taun 1974 ngelanjutaké pendidikan ning Notariat Universitas Padjajaran Bandung ning taun 1994, Nikah karo Ernawati lan dianugrahi anak papat, lan putu telu.[1] Anggota saka Grup musik kang alirané musik latin iki dianggotani déning Acil saka taun 1966, Grup Musik saudara iki pancen ngadeg ning antara taun 1966-1967.[1] Grup musik iki dianggotai karo Sam Bimbo kakangé uga dadi ketuané ning grup musik, Jaka Bimbo lan Iin Parlina.[2]
Anak kaping loro saka pitung saudara iki ketua saka Lembaga Swadaya Masarakat (LSM) kang ngadeg taun 2000 ning kutha Bandung lembaga iki dikenal karo jeneng Spirit, Acil uga duwé kalungguhan dadi Pembina lan Penasihat ning Organisasi-organisasi sosial kamasyarakatan lan kabudayan. Sering ngadakaké warna-warna kagiyatan kang sifaté sosial, lan sok uga partisipasi ning kagiyatan kabudayan kang ora namung ning nagarané dhéwé, nanging nganti tingkat unternasional.[1]
Pranala njaba[besut | besut sumber]
TrioBimbo.com Archived 2013-02-14 at the Wayback Machine.
Cathetan suku[besut | besut sumber]
- ↑ a b c artikel grup musik legendaris Archived 2010-04-05 at the Wayback Machine. dipununduh tanggal 1 Juni 2011
- ↑ Grup Musik Bimbo dipununduh tangal 1 Juni 2011