Abdullah bin Umar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Abdullah bin Umar bin Khattab (Basa Arab: عبد الله بن عمربن الخطاب‎) utawa kerep sinebut Abdullah bin Umar utawa Ibnu Umar (lair 612 - wafat 693/696 utawa 72/73 H) yaiku sawijining sahabat Nabi lan minangka periwayat hadits kang misuwur.Dheweke yaiku putrane Umar bin Khattab, salah sawijining sahabat utama Nabi Muhammad lan Khulafaur Rasyidin kaping pindho.

Biografi[sunting | sunting sumber]

Ibnu Umar mlebu Islam bebarengan karo bapake nalika isih cilik, lan melu hijrah ing Madinah. Nalika umur 13 taun, dheweke kepengin melu bapake jroning Perang Badar, nanging Rasulullah nampik. Perang pisanan kang diélonine yaiku Perang Khandaq. Dheweke melu perang bareng Ja'far bin Abu Thalib jroning Perang Mu'tah, lan uga melu jroning pambebasan kutha Makkah (Fathu Makkah). Sawise Nabi Muhammad wafat, dheweke melu Perang Yarmuk lan ing penaklukan Mesir sarta dhaerah liyane ing Afrika.

Khalifah Utsman bin Affan tau nawani Ibnu Umar supaya njabat dadi hakim, ananging dheweke ora gelem. Seawise Utsman wafat, saperangan kaum muslimin tau ngupaya mbai'at dadi khalifah, ananging dheweke uga ora gelem. Dheweke ora ikut campur jroning pertentangan antarane Ali bin Abi Thalib lan Muawiyah bin Abu Sufyan. Dheweke cenderung ngadohi dunya politik, senajan wis tau katut ing konflik karo Abdullah bin Zubair kang nalika kuwi wis tau dadi pangwasa Makkah.

Periwayat hadits[sunting | sunting sumber]

Ibnu Umar yaiku sawijining wong kang ngriwayatake hadist paling akeh kaping pindho sawise Abu Hurairah, yaiku 2.630 hadits, amarga dheweke tansah malu Rasulullah ing ngendi wae. Malah Aisyah garwane Rasulullah tau ngunggung lan ngendika :"Ora ana sawijining wong kang melu tilas jangkahe Rasulullah ing panggonan-panggonan mandege, kayata kang wis ditindakake Ibnu Umar". Dheweke ngati-ati banget nalika ngriwayatake hadist Nabi. Semana uga sajroning ngetokake fatwa, dheweke tansah nindakake tradisi lan sunnah Rasulullah, mula dheweke ora gelem ijtihad. Biyasane dheweke menehi fatwa ing mangsa kaji, utawa ing kalodhngan liyane. Ing antarane Tabi'in, kang paling akeh ngriwayatake dheweke yaiku Salim lan hamba sahayane, Nafi'.

Gunggungan para Sahabat[sunting | sunting sumber]

Kasalèhan Ibnu Umar kerep antuk gunggungan saka kalangan sahabat Nabi lan kaum muslimin liyane. Jabir bin Abdullah ngendika: " Ora ana ing antarane awak dhewe kang disenengi dunya lan dunya seneng marang dheweke, kajaba Umar lan putrane Abdullah." Abu Salamah bin Abdurrahman ngendika: "Ibnu Umar wafat lan kautamane padha karo Umar. Umar urip ing mangsa akeh wong kang sebanding karo dheweke, dene Ibnu Umar urip ing mangsa kang ora ana sawijining wong kang madhani dheweke".

Ibnu Umar yaiku sawijining pedagang sukses kan sigih, naging uga seneng wèwèh. Dheweke urip nganti 60 taun sawise wafate Rasulullah. Dheweke kelangan pandelengane ing mangsa tuane. Dheweke wafat nalika umur luwih saka 80 taun, lan minangka salah siji sahabat kang paling pungkasan kang wafat ing kutha Makkah.

Referensi[sunting | sunting sumber]

  • Mursi, Muhammad Said. Tokoh-tokoh Besar Islam Sepanjang Sejarah. Penerjemah: Khoirul Amru Harahap, Lc, MHI & Achmad Fauzan, Lc, MAg. Cet-1, Jakarta. Pustaka Al-Kautsar, 2007.

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Abdullah_bin_Umar&oldid=834155"