A. Rafiq

Saka Wikipédia Jawa, bauwarna mardika basa Jawa
Ahmad Rafiq
A. Rafiq
Latar wuri
Lair (1946-03-05) Maret 5, 1946 (umur 78)
Indhonésia Semarang, Jawa Tengah, Indonésia
Pakaryan penyanyi dhangdhut, aktor
Pasangan Aisyah
Anak Fadila A Rafiq
Farhad A Rafiq
Fairuz A Rafiq

A. Rafiq (lair ing Pekalongan, Jawa Tengah, 5 Maret 1946; umur 78 taun).[1] A. Rafiq punika salah setunggaling aktor Indonésia.[2] Kajawi dados aktor, A. Rafiq ugi misuwur minangka penyanyi dhangdhut Indonésia.[2] A. Rafiq punika salah setunggaling penyanyi dhangdhut kanthi dandanan modhèl niru Elvis Presley.[2] A. Rafiq misuwur kanthi kalungguhan dados penyanyi dhangdhut ingkang kondhang.[2] Lagu dhangdut ingkang sepisanan dipuntembangaken déning A. Rafiq inggih punika lagu ingkang irah-irahanipun "Pengalaman Pertama".[2] Lagu dhangdhut punika dados lagu top hit ing tengahan taun 1978.[2] Lagu punika lajeng dipunyanyèkaken malih déning Nirina Zubir ingkang dhuèt kaliyan grup musik ingkang namanipun Slank.[2] Lagu punika lajeng dados jalur swanten filem kanthi irah-irahan Get Married.[2] Kajawi dados penyanyi dhangdhut, A. Rafiq punika ugi naté akting wonten ing filem layar lebar.[2] A. rafiq akting filem layar lebar kaliyan Farouk Afero.[2] A Rafiq ugi naté gadhah profesi dados sutradara.[2] Nalika samanten, A. Rafiq nggarap sinétron drama semi musikal ingkang irah-irahanipun Si Miskin Bercinta.[2] Nalika nggarap sinétron seri punika, A. Rafiq ugi nggarap sesarengan kaliyan musisi-musisi saha penyanyi kados ta Mansur S, Hetty Soenjaya, Jaja Miharja, saha Ira Savira, kejawi punika ugi wonten artis kawakan ingkang namanipun Mieke Wijaya.[2] A. Rafiq gadhah katurunan Arab.[2] A. Rafiq naté sekolah wonten ing studi akting ing LPKJ (sapunika IKJ), saha ndhèrèk workshop ngéngingi caranipun damel filem ingkang dipunwontenaken déning TIM sesarengan kaliyan Persatuan Artis Film Indonésia.[2] Putra-putranipun A. Rafiq ingkang sukses gadhah karir wonten ing donyaning hiburan Indonésia inggih punika Fadila A Rafiq, Faiz A Rafiq, Farabi A Rafiq, Farhad A Rafiq saha Fairuz A Rafiq.[2]

Cathetan suku[besut | besut sumber]

  1. idolaku.net[pranala mati permanèn](dipunundhuh tanggal 24 September 2011)
  2. a b c d e f g h i j k l m n o p selebriti.kapanlagi.com(dipunundhuh tanggal 24 September 2011)