Émile Durkheim

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Émile Durkheim
French sociologist
Miyos 15 April 1858
Épinal, France
Tilar donya 15 November 1917 (umur 59)
Paris, France
Warga negara French
Kabangsan French
Bidhang Philosophy, Sociology, Anthropology, Religious Studies
Lembaga Université de Bordeaux, La Sorbonne
Kaahlian Institutionalizing Sociology
Mangaruhi Immanuel Kant, Rene Descartes, Plato, Herbert Spencer, Aristotle, Montesquieu, Jean-Jacques Rousseau, William James, John Dewey, Charles Sanders Peirce, Auguste Comte, Fustel de Coulanges
Dipunpangaruhi Marcel Mauss, Claude Lévi-Strauss, Talcott Parsons, Maurice Halbwachs, Pierre Bourdieu, Charles Taylor (philosopher), Henri Bergson, Emmanuel Levinas, Steven Lukes, Alfred Radcliffe-Brown, E. E. Evans-Pritchard, Paul Fauconnet, Robert Bellah, Lucien Lévy-Brühl, Ziya Gökalp, David Bloor, Randall Collins
Agama Society, Atheism

David Émile Durkheim (lair 15 April 1858 – tilar donya 15 November 1917 kanthi umur59 taun) dipunkenal minangka salah satunggaling pencetus sosiologi modèrn. Piyambakipun ndhirikaken fakultas sosiologi pisanan ing sawijining universitas Eropa taun 1895, lan nerbitaken salah satunggaling jurnal kapisanan ingkang dipunabdikaken dhateng ilmu sosial, L'Année Sociologique wonten ing taun 1896.

Biografi[sunting | sunting sumber]

Durkheim miyos wonten ing Épinal, Prancis, ingkang dumunung wonten ing Lorraine. Piyambakipun ugi asal saking kulawarga Yahudi Perancis ingkang salèh - bapak lan simbah kakukngipun minangka Rabi. Gesangipun Durkheim piyambak boten sékular. Malahan kathah saking karyanipun katujokaken kanggé maringi bukti bilih fenomena keagamaan asalipun saking faktor-faktor sosial lan sanès ilahi. Ananging mekaten, latar belakang Yahudinipun mbentuk sosiologinipun - kathah mahasiswa lan kanca kerjanipun inggih sasami Yahudi, lan asring taksih wonten hubungan getih (sadhèrèk) kalih piyambakipun. [1]

Durkheim minangka mahasiswa ingkang cepet mateng. Piyambakipu mlebet dhateng École Normale Supérieure taun 1879. Angkatanipun inggih punika salah satunggaling ingkang paling cemerlang ing abad kaping 19 lan kathah kanca setunggal kelasipun, kados Jean Jaurès lan Henri Bergson lajeng dados tokoh ageng wonten ing pagesangan intelektual Prancis. Wonten ing ENS Durkheim sinau wonten ing ngandhap Fustel de Coulanges, satunggaling pakar ilmu klasik, ingkang kagungan pamanggih ilmiah sosial. Wonten ing wekdal ingkang sami, piyambakipun maos karya-karya Auguste Comte lan Herbert Spencer. Dados, Durkheim remen kaliyan pendekatan ilmiah tumrap masyarakat wiwit awal karièripun. Punika minangka konflik pisanan saking kathah konflik sanèsipun kaliyan sistem akademik Prancis, ingkang boten kagungan kurikulum ilmu sosial nalika semanten. Durkheim rumaos ilmu-ilmu kamanungsan boten ngregeti. Piyambakipun lulus kanthi peringkat angka 2 saking wingking ing angkatanipun nalika piyambakipun nglampahi ujian agrégation – syarat kanggé posisi ngajar ing pengajaran umum – ing ilmu filsafat taun 1882. [2]

Minat Durkheim babagan fenomena sosial ugi kasurung déning politik. Kawonipun Prancis ing Perang Prancis-Prusia sampun maringi gebugan dhateng pamarèntahan republikan ingkang sekular. Kathah tiyang nganggep pendekatan Katolik, lan sanget nasionalistik minangka margi kanggé nggesangaken malih kakuwasan Prancis ingkang mudhar ing daratan Eropa. Durkheim, satunggaling tiyang Yahudi lan sosialis, wonten ing posisi minoritas kanthi politik, sawijining kahanan ingkang ngobong piyambakipun kanthi politik. Prastawa Dreyfus taun 1894 namung ngiyataken sikapipun minangka satunggaling tiyang aktivis.

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Émile_Durkheim&oldid=843351"