Èksperimèn Hershey-Chase

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambaran èksperimèn

Èksperimèn Hershey-Chase iku arupa sèri èksperimèn sing diayahi ing taun 1952 déning Alfred Hershey lan Martha Chase, nuduhaké yèn DNA kuwi material genetika, sing pisanan dituduhaké ing taun 1944 déning Èksperimèn Avery-MacLeod-McCarty. Sawetara DNA wis dimangertèni kanthi cetha déning para biologis wiwit taun 1869, wektu kuwi akèh-akèhé ngira yèn protein sing gawa informasi kanggo sipat sing diwarisaké.

Hershey lan Chase nganakaké èksperimèné ing T2 phage, sawijining virus sing strukturé saiki bisa dideleng nganggo mikroskop èlèktron. Phage iki dumadi saka mung siji shell protein, isi material genetikané. Phage nulari (infects) bakteri kanthi cara nèmpèl ing mèmbran njaba lan nyuntikaké material genetikané, nyebabaké mesin genetika bakteri mrodhuksi virus luwih akèh, nyisakaké kulité (shell) sing kothong nèmpèl ing bakteri.

Gambaran struktural T2 phage

Jroning èksperimèn sing pisanan, para paneliti iki mènèhi label marang DNA saka phages nganggo Phosphorus-32 radioaktif (èlemèn phosphor ana ing DNA nanging ora ana siji-sijia ing 20 asam amino saka ngendi protein mau digawé). Èksperimèn ngidinaké phages nulari E. coli, banjur kulit protein dijupuk saka sèl sing wis ditulari nganggo blèndher lan alat centrifuge. Pungkasané ditemokaké yèn panjejak radioaktif (radioactive tracer) bisa katon mung ing sèl bakteri lan ora ing kulit protein.

Ing èksperimèn kapindho, para paneliti mau maringi label marang phages nganggo Sulfur-35 radioaktif (Sulfur utawa welirang ana jroning asam amino Cysteine lan Methionine, ananging ora ana ing DNA). Sawisé pamisahan, panjejak radioaktif (radioactive tracer) tinemu ing kulit protein, nanging ora tinemu ing bakteri sing wis ditulari, nuduhaké yèn material genetika sing nulari bakteri kuwi DNA.

Hershey nampa bebungah Nobel Fisiologi utawa Obat-obatan ing taun 1969 kanggo panemuané ing babagan "struktur genetika virus.”

Delengen uga[sunting | sunting sumber]

Wacan[sunting | sunting sumber]

Cithakan:Sajarah biologi