Èkspédhisi Utsmaniyah dhateng Acèh
Èkspédhisi Utsmaniyah dhateng Acèh dipunwiwiti watawis [taun]] 1565 nalika Kasultanan Utsmaniyah mbudidaya mbiyantu Kasultanan Acèh mengsah Portugis ing Malaka.[1][2] Èkspédhisi dipunwontenaken sasampunipun Sultan Alauddin al-Qahhar (1539-1571) ngirimaken utusan dhateng Suleiman Agung nalika taun 1564 (lan kadosipun ing taun 1562[3] panjenenganipun ugi nyuwun pambiyantunipun Turki kanggé mengsah Portugis).[4]
Parsekutuan Acèh-Turki Utsmani sacara boten resmi sampun dipunwiwiti wiwit taun 1530-an.[3] Sultan Alauddin al-Qahhar nggadhahi pikajengan badhé ngrembakaken pasadhérékan kasebat kanggé nggudhag Portugis saking Malaka, lan njembaraken dhaérah kakuaosanipun ing Sumatra.[3] Miturut pamanggihipun Fernão Mendes Pinto, Sultan Acèh ngrékrut 300 tamtama Utsmaniyah, sawetawis tiyang Abesinia lan Gujarat, sarta 200 saudhagar Malabar kanggé nelukaken Tano Batak ing taun 1539.[3]
Sasampunipun taun 1562, Acèh kadosipun sampun wiwit nampi pambiyantu saking Turki ingkang kadosipun sampun nelukaken Karajan Aru lan Johor ing taun 1564.[3]
Pangiriman utusan dhateng Istanbul ing taun 1564 dipunwontenaken déning Sultan Husain Ali Riayat Syah.[1] Wonten ing serataanipun dhateng Porte Utsmaniyah, Sultan Acèh nyebat panguwaos Utsmaniyah minangka pangarsanipun (khalifah) Islam.[1]
Utsmaniyah ngajari Acèh damel meriam, ingkang ing salajengipun kathah anggénipun dipunprodhuksi.[1] Saking abad kaping 17, Acèh sampun saged mrodhuksi 800 senjata kados senapan puter lan arquebus.[1]
Cathetan Suku [sunting]
- ^ a b c d e The Cambridge History of Southeast Asia by Nicholas Tarling p.39 [1]
- ^ Cambridge illustrated atlas, warfare: Renaissance to revolution, 1492-1792 oleh Jeremy Black kaca. 16 [2]
- ^ a b c d e Islam in the Indonesian world: an account of institutional formation Azyumardi Azra hal. 169 ff [3]
- ^ Cambridge illustrated atlas, warfare: Renaissance to revolution, 1492–1792 oleh Jeremy Black kaca. 17 [4]
Pranala Njawi [sunting]
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
